Frískir í Gamlárshlaupi ÍR

Gamlárshlaup ÍR fór fram á gamlársdag. Hlaupinn var 10 kílómetra hringur og geystust 909 hlauparar frá Hörpunni og komu vindbarnir í mark á sama stað. Kári Steinn var að vanda fyrstur, hljóp á 32:48 mín.  Arndís Ýr Hafþórsdóttir hljóp fremst allra kvenna og kom í mark á 41:02 mín.
Frísku Flóamennirnir Ingvar, Vigfús og Magnús tóku þátt.  Þetta var í 34. sinn í röð sem Ingvar hlóp Gamlárshlaupið en þess má geta að þetta var í 37. sinn sem hlaupið var haldið. Geri aðrir betur.  Úrslitin og myndir frá hlaupinu má sjá á hlaup.is.