Leita í fréttum mbl.is

Bloggfærslur mánaðarins, september 2011

Gústi hlaut Framfarabikar Frískra Flóamanna

IMG_1951Að loknu Fríska Sólheimahlaupinu var framfarabikar FF afhentur íbúa Sólheima sem sýnt hefur framfarir og góða ástundun í íþróttum eða annarri hreyfingu á árinu. Fimm voru tilnefnd, Reynir Pétur Steinunnarson, Ólafur Benediktsson, Guðrún Lára Aradóttir, Lárus Fjeldsted og Ágúst Þór Weber Guðnason eða Gústi gormur.  Famfarabikarinn 2011 hlaut Gústi en hann stundar og keppir í frjálsum íþróttum og hefur náð góðum árangri og bætti sig í mörgum greinum á árinu.  Gústi er einnig góður í fótbolta, körfubolta og sundi. Hann hjólar og hjólar og hleypur hraðar en vindurinn.  Um leið og Sigmundur afhenti Gústa bikarinn, sem hann hefur svo sannarlega unnið fyrir, sagði hann það ósk Frískra Flóamanna að Gústi afhendi bikarinn á næsta ári, eða 2012, til einstaklingsins á Sólheimum sem sýnir mestar framfarir og heilbrigðan lífsstíl. Til hamingju Gústi. Fleiri myndir í albúmi.

Fríska Sólheimahlaupið

IMG_1917LAUGARDAGINN 24. september var Fríska Sólheimahlaupið haldið öðru sinni. Hlaupið gengið og hjólað var frá Borg í Grímsnesi og að Sólheimum sem er um 9 km löng leið. Frískir Flóamenn og hjólahópur HSU slóust í för með íbúum Sólheima og tóku á um fjórða tug vaskra sveina og meyja þátt í hlaupinu. Gústi kom fyrstur hlaupara í mark eins og í fyrra en Reynir Pétur var fremstur hjólara. Eftir hlaup var farið í heita pottinn og síðan í gómsæta spergilkálsúpu á Grænu könnunni. Þakkir fyrir ánægjulegan dag.  Myndir í albúmi.  

Sólheimahlaupið laugardaginn 24. september

IMG 9431Laugardag um næstu helgi 24. september ætla Frískir Flóamenn að gera sér dagamun og fara í hlaupaferð að Sólheimum í Grímsnesi.  Við söfnumst í bíla við sundlaugina á Selfossi og förum þaðan kl. 9:30.  Förum að Borg í Grímsnesi og hlaupum þaðan um kl. 10 að Sólheimum, sem eru um 9 km. Einnig verður hægt að hjóla eða ganga og fara styttri vegalengdir. Íbúar á Sólheimum ætla að slást í för með okkur svo og hjólahópur HSU og kannski fleiri því allir eru velkomnir. Engin skráning í hlaupið engin tímataka. Eftir hlaup verður farið í laugina á Sólheimum og síðan í léttan málsverð  á Grænu könnunni (um kr. 1000-1500 á mann).  Þá verður framfarabikar Frískra Flóamanna afhentur íbúa á Sólheimum en hann er farandbikar ætlaður einstaklingi á Sólheimum sem sýnt hefur almennar framfarir og/eða góða ástundum í íþróttum á árinu.  Heimferð er áætluð um kl. 13:30.  Hlaupið er á degi Moving Planet sem er alheimsátak, sem miðar að því að minnka kolefnislosun í heiminum, sjá www.moving-planet.org. Þennan dag eru allir hvattir til þess að leggja bílum og hjóla, ganga eða hlaupa til að leggja málefninu lið. Þeir sem ætla að fara láti vita með tölvupósti á skolavellir12@simnet.is eða í síma 840 6320 í síðasta lagi á fimmtudag 22. sept. Fjölmennum og gerum þetta að skemmtilegum degi.

Sólheimahlaupið 24. sept.

Sólheimahlaupið verður laugardaginn 24. september. Hlaupið verður frá Borg að Sólheimum, sem er um 9 km, lagt af stað um kl. 10. Einnig verður hægt að hjóla eða ganga. Engin skráning engin tímataka. Eftir hlaup verður framfarabikar Frískra Flóamanna afhentur íbúa á Sólheimum. Heitur pottur í IMG 9428sundlauginni og eitthvað í svanginn á Grænu könnunni á eftir. Nánar síðar.

Brúarhlaupið 2011

IMG_1670Frískir Flóamenn tóku daginn snemma og fjölmenntu í morgunmat í Guðnabakarí fyrir Brúrahlaupið. Þeystu svo af stað um hádegidbilið í 5, 10 eða 21 km. Renuka, Daníel og Jón fóru 21, Ingileif, Elín, Birna, Siggi, Vigfús, Leifur, Sigmundur, Ingvar, Óli Unnars og Magnús runnu 10 km og Halla, Aðalsteinn, Eydís og Elfa fóru 5 km.  Þórir hjólaði 5 km.  Er örugglega að gleyma einhverjum Errm. Frískir stóðu sig vel, Sigmundur, Ingileif og Leifur voru að bæta sig í 10 km.  Ingileif, Sigmundur og Ingvar voru komust á pall í sínum aldursflokki og Þórir var annar á hjólinu. Kári Steinn hljóp fanta vel 10 km, á besta tíma sem íslendingur hefur náð í 10 km götuhlaupi á Íslandi og var aðeins 8 sek. frá íslandsmeti Jóns Diðrikssonar. Hálfa maraþonið var íslandsmeistaramót. Meistari karla varð Haraldur Hallgrímsson á 1:20:37 og kvenna Ósk Vilhjálmsdóttir á 1:35:13. Fínt veður var, smá vindur en hlýtt og þurrt. Tímarnir er komnir á hlaup.is. Myndir eru í albúmi.

Salóme þjálfari mætir á æfingu þriðjudag 6. sept.

 

IMG 9447

Salóme sendi póst. Þar kemur fram að hún ætli að vera með æfingar 2 sinnum í viku í vetur fyrir FF að minnsta kosti fram að jólum. Æfingarnar verða á þriðjudögum og fimmtudögum klukkan 17:15 og er mæting við Sundhöll Selfoss. Fyrsta æfingin verður þriðjudaginn 6. september og hvetur hún alla til að mæta, byrjendur jafnt sem lengra komnir, ný og gömul andlit. Það verður eitthvað fyrir alla. 

Munið morgunmat í Guðnabakaríi á laugardag. 


Frískir Flóamenn í morgunmat í Guðnabakaríi

IMG 9297Líkt og undanfarin ár ætla Frískir Flóamenn að koma saman spjalla og snæða morgunmat fyrir Brúarhlaupið. Eins og í fyrra stendur til að fá sér morgunmat í Guðnabakaríi, mætum þar kl. 9:00 nk. laugardag fyrir hlaup. Hver borgar fyrir sig. Látið berast.

Höfundur

Frískir Flóamenn
Frískir Flóamenn

Frískir Flóamenn er hlaupahópur í Árborg. Æfingar eru á þriðjudögum og fimmtudögum klukkan 17:15 og á laugardögum kl. 10:00. Farið er frá Sundhöll Selfoss.

Running club at Selfoss Iceland, running from Selfoss Swimming pool Tuesdays and Thursdays at 17:15 and Saturdays at 10:00. You are welcome.

Færsluflokkar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband