Sigrún fyrst kvenna í Bláskógaskokki

Bláskóskógaskokk HSK fór fram í dag í blíðskapar veðri stillu og hlýju. Hlaupnar voru 10 mílur (16,1km) á gömlu leiðinni yfir Lyngdalsheiðina frá Gjábakka að Laugarvatni.  Einnig var boðið upp á 5 km hring á Laugarvatni.  Þrjátíu og einn hlaupari tóku þátt, 28 í 10 mílum og 3 í 5 km.  Sigrún Sigurðardóttir var fyrst kvenna í 10  mílum á 71:46 og Óskar Jakobsson var fyrstur karla á 65:18. Fyrst í 5 km var Sigríður Jónsdóttir á 26:40.  Auk Sigrúnar tóku Frísku Flóamennirnir Steingerður og Elín Gunnlaugs þátt í 10 mílna hlaupinu. Hefði nú verið gaman að sjá fleiri Fríska. Myndir í albúmi.

Frískir í Miðnæturhlaupinu

Miðnæturhlaupið var sl.mánudag í Reykjavík.  Hlaupnir voru 5 km 10, km og 21 km. Metþátttaka var í hlaupinu en 2632 voru skráðir til þátttöku. Flestir hlupu 5 km eða 1327, 934 tóku þátt í 10 km hlaupinu og 371 í hálfu maraþoni. Aldrei hafa fleiri erlendir gestir tekið þátt í hlaupinu en þeir voru um tæplega 500 talsins frá 47 löndum. Flestir erlendu gestanna komu frá Bandaríkjunum, Bretlandi, Kanada og Svíþjóð. Nokkrir Frískir Flóamenn mættu til leiks. Úrslitin eru á marathon.is.

Gullspretturinn

Gullspretturinn var sl. laugardag.  Hlaupið er kringum Laugarvatn, yfir mýrar móa og ár, um 9,5 km.  Tæplega 200 manns tóku þátt í þessu vinsæla hlaupi, þar á meðal nokkrir Frískir Flóamenn. Bestum árangri náði Sarah sem varð 6. í kvennaflokki og Elías en hann varð 18. í karlaflokki. Úrslitin eru á hlaup.is.

Fjöruhlaup laugardaginn 14. júní.

Næsta laugardag verður hið árlega og geysiskemmtilega fjöruhlaup. Miðað er við að hittast við sundlaugina kl 9:30 og sameinast í bíla. Hlaupið verður frá Hafinu bláa kl 9:45-10:00 og endað í sundlauginni í Þorlákshöfn. Þar geta þeir sem það vilja farið í sund. Með hlaupakveðju skemmtinefndinn.

Sigrún þriðja í Hvítasunnuhlaupi Hauka

Hvítasunnuhlaup Hauka fór fram í gær 9. júni.  Hlaupnir voru 14 km og 17,5 km að hluta til utan vega. Fjölmenni var og alls luku 182 lengra hlaupinu, 

meðal þeirra voru Sigrún, Wieslaw, Renuka og Auður. Sigrún var þriðja í kvennaflokki á 1:28:39 og Wieslaw var 13. í karlaflokki á 1:24:07.  Renuka kom í markn á tímanum 1:54:23 og Auður var á 2:05:18.

Grafningshlaupið í grenjandi rigningu

Það var geinilega gaman í Grafningshlaupinu hjá Pétri og Lísu ef marka má myndir á hlaup.is, þrátt fyrir grenjandi rigningu.  100 manns luku hlaupinu og þar af voru nokkrir Frískir.  Úrslit í hlaupinu og myndir má sjá á hlaup.is. 

Frískir Flóamenn í Fjölnishlaupinu

Fjölnishlaupið var í dag en í því er geyst 10 km leið um Grafarvoginn í Reykjavíkurborg.  Leiðin er ekki slétt og endað er í brekku. Frísku Flóamennirnir, Sigrún, Ingvar, Ingileif og Sarah tóku þátt í hlaupinu og stóðu sig vel að vanda. Sigrún endaði á tímanum 42:42 og var 5. í kvennaflokki. Ingvar rann yfir marklínuna á 43:13 og var 22. í flokki karla.  Sarah rann skeiðið á 47:47 og Ingileif hljóp kílómetranan tíu á 59:24.  Til hamingju öll.  Úrslitin og myndir eru á hlaup.is.

 

 

Intersporthlaupið undan vindi. Sigrún enn með met.

Intersporthlaupið undan vindi, hlaupið okkar Frískra Flóamanna fór fram í dag. Þrjátíu og fimm hlauparar mættu til leiks í blíðskaparveðri, hægum andvara sól og blíðu. Hlaupnir voru 10 km. Fyrst kvenna í mark var Sigrún okkar Sigurðardóttir og enn á Selfoss og HSK-meti, timinn var 40.58. Fyrstur karla var Ívar Trausti Jósafatsson á tímanum 36.42.  Margir voru að setja sína bestu tíma enda brautin slétt og bein og vindurinn aldrei í fangið. 

Aðrir Fríski sem fóru á pall voru Ingileif, Steingerður, Björk, Sverrir, Stebbi og Wieslaw.    Myndir í albúmi.

 

Sigrún þriðja á nýju HSK meti í hálfu maraþoni í Reykjavík í dag. Ingvar með HSK met í 5 km.

Vormaraþon fór fram í blíðviðrinu í Reykjavík í dag.  Keppt var í heilu og hálfu maraþoni.  Sigrún okkar Sigurðardóttir varð nr. 3 í flokki kvenna á tímanum 1.31.49 sem er jafnframt nýtt HSK met. Keppnin var jöfn því þrjár fyrstu konur voru á sömu mínútunni. Þá setti Ingvar HSK met í flokki 55-59 ára í 5 km götuhlaupi á sumardaginn fyrsta. Tíminn hjá honum var 19.46. Glæsilegt hjá þeim. 

Intersporthlaupið undan vindi 1.maí

Hlaupahópurinn Frískir Flóamenn stendur fyrir Intersporthlaupinu undan vindi þann 1.  maí nk. og hefst það kl. 13.

Lengd hlaupsins er 10 km og hefur það verið löglega mælt eftir reglum FRÍ. Hlaupaleiðin er frá Intersporti [BYKO] á Selfossi um Larsenstræti og Gaulverjabæjarveg.  Hlaupið hefst eða endar við Intersport, fer það eftir því hvort hagstæðara er eftir vindátt.  Hlaupaleiðin er um sléttlendi Flóans. Forskráning er á hlaup.is og lýkur 30. apríl kl. 21:00.  Skráning og afhending keppnisnúmera er í Intersport Selfossi frá kl. 16-18  þann 30. apríl. Ekki hægt að greiða með korti.  Keppnisnúmer verður einnig hægt að nálgast á hlaupadegi frá kl. 11 á sama stað. Þátttökugjald er kr. 2.500. Rúta flytur keppendur að eða frá rásmarki, brottför er frá Intersport kl. 12:20.  Keppendur fá frían aðgang í Sundhöll Selfoss eftir hlaup.

Aldursskiping bæði hjá konum og körlum;

• 39 ára og yngri
• 40-49
• 50-59
• 60 ára og eldri

Verðlaun verða fyrir þrjá fyrstu í hverjum flokki.

Sérverðlaun frá Intersport verða fyrir fyrsta karl og fyrstu konu og úrdráttaverðlaun.

Verðlaunaafhending verður við Intersport að hlaupi loknu.

Tilvalið hlaup til að bæta sig í 10 km hlaupi.

Nánari upplýsingar veita  Leifur s: 842 3150 og Magnús s: 840 6320.