Uppsveitahringurinn, Vestmannaeyjahlaup, María, Sigrún og Wieslaw í öðru sæti.

Laugardag 6. september voru handin hlaup í uppsveitum Árnessýslu (Uppsveitahringurinn) og í Vestmannaeyjum. Einnig var boðið uppá hjól í uppsveitahlaupinu. Frískir Flóamenn tóku þátt og stóðu sig vel að vanda. Sigrún og Wieslaw hlupu 21 km í Eyjum og urðu bæði í öðru sæti í flokki kvenna og karla.  María var önnur í flokki kvenna í 10 km uppsveitahlaupi en hlaupið var frá Reykholti að Flúðum, Renuka og Svanlaug sprettu einnig úr spori 10 km.  Óli Einars hjólaði 46 km hring á hörkutíma. 

Úrslitin úr Vestmannaeyjahlaupinu eru á http://www.vestmannaeyjahlaup.is/is/sidur/21-km-urslit-2014 og Uppsveitahringnum á hlaup.is

Sigrún með bestan ársbesta árangur kvenna í maraþoni

Sigrún Sigurðardóttir í Frískum er með bestan árangur íslenskra kvenna í maraþoni á árinu 3.25.09 sem hún náði í Mnchester í vor.  Þá er Sigrún 9. á lista yfir árangur í hálfmaraþoni með tímann 1.31.49. Þetta kemur fram á nýuppfærðum lista á hlaup.is. 

Reykjavíkurmaraþon

Reykjavikurmaraþonið var í gær laugardag 23.ágúst og þangað fjölmenntu Frískir Flóamenn og stóðu sig vel að vanda.  Nokkrir fóru heilt maraþon og margir hálft og 10 km. Sveit Frískra í maraþoni varð í þriðja sæti, glæsilegt það. Í sveitinni voru Daníel Reynisson, Wieslaw, Reynir og Vigfús. Vigfús stórbætti sig í maraþoni og Wieslaw bætti sinn tíma. Þá voru margir Frískir í fremstu röð í sínum aldursflokki. Margir hlupu til góðs og söfnuðu til styrktar góðgerðarfélögum, Steini hljóp í björgunarsveitargallanum með allan útkallsbúnað og kláraði með stæl. Enn er hægt að heita á hlaupara í gegnum hlaupastyrkur.is. Úrslitin eru á marathon.is. Myndir í albúmi.

Brúarhlaupið 2014

Brúarhlaupið fór fram í gær laugardag 9. ágúst í blíðskaparveðri. Fjölmenni var í hlaupinu en boðið var upp á 2,8 km, 5 km og 10 km og 5 km hjól. Þrír Frískir komust á pall, öll í 10 km. Wieslaw var þriðji í 50 ára flokki, Ingileif fyrst í 60 ára flokki kvenna og Magnús í flokki 60 ára karla. Aðrir voru að ná hörku tímum og sumir að bæta sinn fyrri árangur. Kári Steinn var fyrstur karla í 10 km á 30.38 og Arndís Ýr var fyrst kvenna á 37.47. Hlaupið var með breyttu sniði í ár, hlaupið var innanbæjar, að miklu leyti á stígum og endað í Sigtúnsgarðinum. Þá var hlaupið hluti af Sumar á Selfossi. Ekki var boðið upp á 21 km eins og verið hefur frá upphafi hlaupsins árið 1991. Ekki var að heyra annað en almenn ánægja væri með breyttar hlaupaleiðir sem er skýlli en fyrri leið og gefur færi á meiri stemningu með hvatningu á leiðinni. Vonandi verða 21 km með á næst ári.  Myndir í albúmi. Úrslitin eru á hlaup.is.

Brúarhlaupið, morgunverður í Sigtúnsgarði

Nú fjölmennum við í Brúarhlaupið á laugardaginn (9. ágúst) allt um það á hlaup.is, en þar er hægt að forskrá sig fram til kl. 16 á morgun föstudag. 
Við ætlum að koma saman og fá okkur morgunverð í tjaldinu í Sigtúnsgarðnum á laugardaginn fyrir hlaup. Vera þar helst fyrir kl. 9 til að komast sem fyrst að. Afhending gagna er í Landsbankanum frá kl 9.

Hengill Ultra

Hlaupið Hengill Ultra fór fram á Hengilssvæðinu 26. júlí sl. Hlaupnar voru þrjár vegalengdir utan vega, 24, 50 og 81 km.  Áður hefur verið skýrt frá fréttum af 24 km hlaupinu hér á síðunni.  Tíu hlauparar luku 50 km og 12 hlupu 81 km.  Einn Frískur fór 81 km Ágúst Óli og var hann annar í mark á 12:53:01 en Daníel Reynisson sigraði á 10:51:53.   Wieslaw hljóp 50 km og lauk því á 6:33:52 og var fjórði í flokki karla, sigurtíminn var 6:21:03. Flott hjá þeim.

Frískir í Hamarshlaupinu

Fimm Frískir Flóamenn tóku þátt í Hamarshlaupinu sem er 24 km utanvegahlaup í fjallendinu innan við Hveragerði. María Marons var önnur í flokki kvenna á 2:34:59 og Þorsteinn Máss. var þriðji í karlaflokki á 2:37:13. Þátt tóku 28 hlauparar í ár og kláruðu allir. Fyrstur í mark var Bjarki Freyr Rúnarsson á 2:01:03 en fyrst kvenna var Melkorka Á. Kvaran á 2:26:48.  Úrslitin eru hér http://www.hamarsport.is/urslit-i-hamars-hlaupinu-2014/.

Frískir með fimm HSK-met

Frískir Flóamenn gerðu það heldur betur gott í Laugavegshlaupinu settu fimm HSK-met. Sarah Seeliger setti HSK met í í kvennaflokki og flokki 35-39 ára kvenna, Hún hljóp á 6:26:07 klst. Björk átti metin í þessum flokkum, 6:37:22 sett árið 2008.

Helgi Kristinn Marvinsson setti met í flokki 60 – 64 ára flokki karla, hljóp á 6:59:53 klst.  Hann fékk viðurkenningu fyrir sinn 10. Laugaveg og það í röð.

Þorsteinn Tryggvi Másson  bætti HSK metið í flokki 45 – 49 ára flokki karla, en hann hljóp á 6:14,36 klst. Metið í þessum flokki var ársgamalt, Jón Gísli Guðlaugsson hljóp á 6:22,05 klst. í fyrra. Björk Steindórsdóttir bætti HSK metið í flokki 45 – 49 ára flokki kvenna. Hún hljóp á 6:44:16 klst. Anna Björg Stefánsdóttir átti metið, 7:43,02 klst. sett árið 2012.  Til hamingju öll.

Laugavegshlaupið 2014

Laugavegshlaupið fór fram í gær í 18. sinn við ágætar aðstæður. Nokkur kuldi og rigning var á hluta leiðarinnar en vindur í bakið mestan hluta lei[arinnar. 345 hlauparar lögðu af stað úr Landmannalaugum kl. 9 um morguninn og 330 skiluðu sér í mark í Þórsmörk. Sextán Frískir Flóamenn tóku þátt og stóðu sig vel.  Tímarnir eru hér að neðan.  Nokkrir voru að fara í fyrsta sinn aðrir að bæta fyrri tíma sína.  Kiddi Marvins. tók sinn 10. Laugaveg í röð, gerði aðrir betur.  Til hamingju öll, þið eruð hetjur.

35 Frískir Flóamenn stóðu vaktina á hlaupaleiðinni og fórst að vanda vel úr hendi. 

Þorbergur Ingi Jónsson sigraði  í hlaupinu á tímanum 4: 7: 47 og sló þar með brautarmet Björns Margeirssonar frá 2012 um rúmar tólf mínútur. Elísabet Margeirsdóttir var fyrst kvenna í mark á tímanum 5 : 34: 05  og bætti eigin tíma um þrettán mínútur.  Myndir í albúmi.

Tímar Frískra Flóamanna:

6:26:07 Sarah Seeliger 

6:44:16 Björk Steindórsdóttir

6:50:24 Steingerður Hreinsdóttir

8:20:46 Anna Björg Stefánsdóttir

8:20:46 Aðalbjörg Skúladóttir

 

5:45:47 Stefán Reyr Ólafsson

6:06:53 Wieslaw Piotr Nieradko

6:14:36 Þorsteinn Tryggvi Másson 

6:22:22 Sverrir Sigurjónsson 

6:24:23 Jóhann Helgi Konráðsson

6:50:16 Reynir Guðmundsson

6:59:53 Helgi Kristinn Marvinsson

7:20:20 Andri Ólafsson 

7:38:25 Vigfús Eyjólfsson

7:46:29 Ragnar Heiðar Karlsson  

8:01:04 Börkur Brynjarsson

 

Fundur vegna Laugavegshlaupsins

Boðað er til fundar með fulltrúum Reykjavíkurmaraþons og þeim FF sem ætla að vera við aðstoð á Laugaveginum þann 12. júlí. Fundurinn verður mánudaginn 7. júlí kl. 18 á Búnaðarmiðstöðinni Selfossi (húsi Krónunnar).