Að loknu Flóahlaupi

Flóahlaupið fór fram laugardaginn 10. apríl í talsverðum vindi en að mestu þurru veðri. Veitingar að loknu hlaupi voru að vanda óviðjafnanlegar. Mög góð þátttaka var í hlaupinu.  Sjö Frískir Flóamenn mættu, hefði mátt vera fleiri  .  Ingvar var fyrstur Frískra í 10 km á 44:59.  Úrslitin verða birt á hlaup.is.  Myndir frá hlaupinu eru hér á síðunni í mydaalbúmi.

Flóahlaupið 10. apríl

31. Flóahlaup UMF Samhygðar hefst kl. 14:00 10. apríl við Félagslund, Gaulverjarbæjarhreppi.

Vegalengdir, 3 km, 5 km og 10 km allar vegalengdir með tímatöku.

Flokkaskipting, 3 km strákar,  14 ára og yngri, stelpur 14 ára og yngri, 5 km konur opinn flokkur, karlar opinn flokkur.

10 km konur 39 ára og yngri, konur 40-49 ára, konur 50 ára og eldri, karlar 39 ára og yngri, karlar 40-49 ára, karlar 50-59 ára, karlar 60-69 ára, karlar 70 ára og eldri. Verðlaun fyrir þrjá fyrstu í hverjum flokki. Upplýsingar Markús Ívarsson í símum 486-3318 og 695-9263. Skráningargjald 800 kr fyrir 14 ára og yngri og 1500 kr fyrir 15 ára og eldri (óstaðfest). Einungis skráð á staðnum. Ath. að greiða verður með peningum, enginn POSI á staðnum. Innifalið í skráningargjaldinu er hið víðfræga og glæsilega hlaðborð þeirra Flóamanna sem enginn verður svikinn af eftir hlaupið.

Auðvitað mæta allir Frískir Flóamenn í Flóahlaupið. 

Píslarhlaup föstudaginn langa 2. apríl

Píslarhlaupið verður haldið föstudaginn langa, 2. apríl. Mæting í Réttina Úthlíð.

Nú er ekki seinna vænna að mæta á æfingar spennandi hlaup framundan.

Hlaupið er frá Geysi að Úthlíð. Vegalengdir: 10 km - hlaupið frá Geysi að Úthlíð.  5 km - hlaupið frá Múla að Úthlíð.  Lagt verður af stað í bílum áleiðis að Geysi kl. 13.00 sameinast í bíla. 10 km - Ræsing frá bílastæðinu fyrir framan söluskálann að Geysi kl. 13.30.   5 km - Ræsing frá afleggjaranum heim að Múla kl. 13.50,  Keppnisgjald er kr. 1.500 súpa eftir hlaup innifalin. Skráning á staðnum.  Páskaeggjaverðlaun og útdráttarverðlaunHeitir pottar og sturta í Hlíðalaug eftir hlaup.

Píslarhlaupið er krefjandi hlaup þar semminnst er pínu og dauða Jesú Krists í síðustu brekkunni heim að Réttinni í Úthlíð.

Frískir Flóamenn aðstoða við Laugavegshlaupið sem fer fram 17. júlí í sumar.

Frískir Flóamenn hafa tekið að sér aðstoð við Laugavegshlaupið í sumar, líkt og undanfarin ár. Haupið fer fram þann 17. júlí. Metskránig er í hlaupið. Verið er að safna liði og hvetjum við alla Fríska til að taka daginn frá og vera með. Þeir sem ætla að vera í aðstoðarliðinu láti Jón Frantzson ([e-mail]) eða Magnús ([e-mail]) vita.

Myndir frá þorrapizzu

Frískir Flóamenn komu saman sl. fimmtudag á Hróa Hetti og snæddu þar sérhannaða þorrapizzu að hætti Frískra.  Myndir eru komnar á síðuna. 

Minni á að við hlaupum á laugardögum kl. 10, förum þá lengra en hver á sínum hraða, nú er tíð til að hlaupa úti.

Komaso! 

Magnús

 

Þorrapizza

Hin árleg og gómsæta Þorrapizza Frískra Flóamanna verður i boði á Hróa Hetti fimmtudaginn 11. febrúar kl. 20, eftir hlaupaæfingu og heita pottinn í lauginni. Þeir sem ætla að mæta þurfa að láta vita í síðasta lagi á þriðjudag 9. febr. Sendið póst um þáttöku á [e-mail] eða komið boðum á annan hátt til Sigmundar eða Magnúsar.

Minnigarhlaup

Þriðjudaginn 5. janúar ætla Frískir Flóamenn að koma saman og hlaupa til minningar um Guðjón Ægi Sigurjónsson sem lést í slysi á Suðurlandsvegi skammt austan við Selfoss fyrir ári síðan. Lagt verður af stað frá Sundhöll Selfoss
kl. 17:25 hlaupið að slysstað og haldin þar kyrrðarstund.

Ókeypis hlaupastílsnámskeið

Smári Jósafatsson ætlar að koma til okkar og vera með Smart Motion
hlaupastílsnámskeið hjá okkur laugardaginn 10 október kl 10,00-12:30 á
Íþróttavellinum.
Allir þáttakendur fá Smart Motion  hlaupastíls DVD diskinn.

Námskeiðið er frítt fyrir Fríska Flóamenn en ég þarf að fá að vita
hverjir mæta
Skráning er á [e-mail] í síðasta lagi fimmtudaginn 8 okt
Einnig verður settur listi upp í sundlauginni


Helga Baldursdóttir gjaldkeri Frískra Flóamanna Sími 8469320

Nú komar inn fleiri myndir

Myndir komnar inn í albúm úr Laugavegshlaupinu í sumar

teknar af Magnúsi Jóh.

 

Enn fleirri myndir !!!

Nú þegar búið er að stækka myndplássið okkar þá er um að gera að spara það sem minnst, engin kreppa á þeim bænum.

Endilega verið dugleg að setja inn myndir úr hlaupum frá liðnu sumri

Bestu hlaupakveðjur Lísa.