Fimmtudagsæfing.

Gleðilegt nýtt hlaupaár kæru hlaupafélagar !!! Við byrjum nýtt ár með hressilegri æfingu og byrjum á tempóhlaupi - Hagahringinn - nú er um að gera að taka vel á því eftir allan hátíðarmatinn. KOMASO.

 Sigmundur 

Jólahlaupið

 

Frískir Flóamenn fjölmenntu í jólahlaupið. Skemmtinefndin, með Þóri Erlings í broddi fylkingar, leiddi hópinn vítt og breitt um Selfossbæ. Upp á hól, út á völl og út um víðan völl. Inn um alla verslun í Krónuninni, inn á skjalasafn í bókasafnið í jólagarðinn þar var sungið hástöfum. Inn á Hótel Selfoss og loks á Seylon til Renuku þar sem hún bauð upp á ljúffengarveitingar. Þar þakkaði hún Sigmundi fyrir góða þjálfun. Mikið fjör og gaman. Takk skemmtinefnd og takk Renuka.  Sjá myndir í albúmi.

Jólahlaup

Á morgun fimmtudag verður jólahlaup Frískra Flóamanna á venjulegum hlaupatíma, allir mæti með jólasveinahúfu og við gerum eitthvað skemmtilegt saman !!!!

Fimmtudagsæfing

Takk fyrir góða æfingu í gær, á morgun fimmtudag verðum við með tempóæfingu; í boði verða þrír hringir eins og verið hefur 6 til 13 km langir. Vonandi verður færið orðið gott þannig að hægt sé að taka á því !! Munið að lykilatriðið er jöfn skref og áreynsla og að þið hafið á tilfinningunni að þið séuð að taka tvö skref í einu skrefi !

 

 

Jólahlaup 13. desember.

Þau boð berast frá skemmtinefndinni að nú sé komið að hinu árlega jólahlaupi. Dagurinn er fimmtudagur 13. desember og mæting kl. 17:15 við Sundhöll Selfoss. Allir að mæta með jólasveinahúfur.

Frá aðalfundi Frískra Flóamanna

Aðalfundur Frískra Flóamanna var haldinn í Selinu þann 29. nóvember. Fundurinn var fjölsóttur og markt rætt. Formaður fór yfir árið og viðburði þess. Fjáröflunarleið félagsins var aðstoð við Laugavegshlaupið. Gekk það mjög vel og fengu Frískir Flóamenn hrós fyrir. Fram kom að búninganefnd væri búin að ganga frá pöntun á nýjum búningum frá Brooks, munu þeir verða skærgulir. Félagar eru hvattir til að greiða þá inná reikning félagsins (sjá facebooksíðuna). Sigmundur tók við þjálfun hópsins nú í haust og hefur mæting verið góð og nýir hlauparar verið að bætast í hópinn. Hugmynd kom fram um að vera með byrjendanámskeið eftir áramót. Vigfús gaf ekki kost á sér í stjórn og kom Magnús inn í stjórnina í hans stað. Voru Vigfúsi þökkuð góð störf.  Frískir Flóamenn hafa tekið að sér að sjá um 10 km keppnishlaup á landsmóti UMFÍ sem verður á Selfossi í byrjyn júlí. Þá er og í bígerð að Frískir sjái um heilsuskokk fyrir mótsgesti. Frískir munu og aðstoða við Laugavegshlaupið sem verður um miðjan júlí. Framundan eru ýmsir fleiri viðburðir sem semmtinefnd mun skýra frá innan tíðar.

Aðalfundur Frískra Flóamanna fimmtudag 29. nóvember

Fimmtudagskvöldið 29 nóvember kl: 20:00 verður haldinn aðalfundur Frískra Flóamanna í selinu. Er ekki um að gera að fjölmenna? kveðja Stjórnin

Þriðjudagsæfing.

Á morgun þriðjudag verður hraða hringi í Hagahverfinu, áhersla er á að hita vel upp og keyra rólega niður í restina. Munum vestin og góða klæðnað í kuldanum. Sigmundur

Fimmtudagsæfing

Á morgun fimmtudag verðum við með tempóæfingu þar sem í boði verða 7 - 13 km. innanbæjar muna eftir að hita vel upp áður.

Sigmundur 

Þriðjudagsæfing.

Sælir félagar góðir. Á morgun þriðjudag verðum við með hefðbundin hraðahring. Lykilatriði eru jöfn skref og áreynsla. Besta kveðja, Sigmundur