Fundur á fimmtudag með Salome Rut þjálfara

Nk. fimmtudag, 7. okt, kl. 20 boðar stjórnin til almenns fundar með Salóme Rut þjálfara. Fundurinn verður í Selinu á íþróttavellinum.

Þjálfunaráætun

Salóme hefur sent okkur þjálfunaráætlun fyrir vikuna. Á þriðjudag kl, 18 verða hlaupnir 8,5 og 10 km á jöfnum hraða. í lok æfigar eru fitnesæfinga og teigjur. Á fimmtudag verða sprettæfingar. Á laugardag (kl. 10) gerir Salóme ráð fyrir 12 km rólegu hlaupi. Nú er um að gera fyrir nýliða að slást í hópinn, allir eru velkomnir.

Skrár tengdar þessari bloggfærslu:

• _fingaaaetlun_vikuna_4_-10_oktober.doc

Sólheimaheimsókn

Sunnudaginn 3. október heimsóttu Frískir Flóamenn Sólheima.  Byrjað var á að hlaupa frá Borg og að Sólheimum og  slóst heimafók með í för.  Nokkur vindur var á móti en hlýtt.  Gústi lét það ekki á sig fá og spretti úr spori og varð langfyrstur í markið á Sólheimum. Að hlaupi loknu var farið í sundlaugina og síðan í súpu og salat á Grænu könnunni.  Þá var framfarabikar FF afhentur Sólheimum.  Að lokum var gengið um Sólheima og starfsemin skoðuð undir leiðsögn.   Þakkir fyrir ánægjulegan dag. Myndir frá heimsókninni eru í albúmi.

Nýr þjálfari og nýr hlaupatími

Frískir Flóamenn hafa ráðið nýjan þjálfara, Salóme Rut Harðardóttir.  Salóme er 2. árs nemi við HÍ að Laugarvatni. Hún ætlar að koma til okkar á æfingu nú á fimmtudaginn 30. sept. og mun síðan mæta á þriðjudags- og fimmtudagsæfingar.  Samhliða hefur hlaupatíma verið breytt þannig að farið verður frá sundlauginni á þriðjudögum og fimmtudögum kl. 18:00.  Aðrir tímar eru óbreyttir.  Minni á að þeir sem ætla að koma í hlaupaferðina að Sólheimum á sunnudaginn láti Önnu Maríu (861 3413) eða Magnús (840 6320) vita í síðasta lagi miðvikud. 29.

Hlaupaferð að Sólheimum 3. október

Þann 3. október nk. (ekki 2. eins og til stóð) ætla Frískir Flóamenn að gera sér dagamun og fara í hlaupaferð að Sólheimum í Grímsnesi.  Við söfnumst í bíla við sundlaugina og förum þaðan kl. 9:30.  Förum að Borg í Grímsnesi og hlaupum þaðan að Sólheimum, sem eru um 9 km.  Íbúar á Sólheimum ætla að slást í för með okkur síðasta spölinn.  Eftir hlaup verður farið í laugina á Sólheimum og síðan í léttan málsverð hjá Sölva Hilmars á Grænu Könnunni (um þúsund á mann).  Þá stendur til að færa Sólheimum framfarabikar, sem er ætlaður sem farandbikar til einstaklings á Sólheimum.  Að lokum munum við skoða Sesseljuhús undir leiðsögn.  Heimferð er áætluð um kl. 15.  Fjölmennum og gerum þetta að skemmtilegum degi.  Vinsamlegast tilkynnið þáttöku til Önnu Maríu (s:8613413) eða Magnúsar (s: 840 6320) eða á netfengið [e-mail] í síðasta lagi 29. sept.