Hlaupið á Akureyri.

Hlaup á Akureyri.

Um nýliðna helgi skruppum við Pétur og Gígja í helgarferð á Akureyri. Vitanlega voru hlaupaskórnir teknir með því að planið var að mæta á laugardagsmorgninum í líkamsræktarstöðina Átak og taka með hópnum eina æfingu. Það var föngulegur hópur sem tók á móti okkur gestunum, fleiri gestir voru mættir til að taka æfingu með hópnum en það voru Stefán og Helga stórhlauparar úr Laugaskokkhópnum. Lagt var af stað í yndislegu veðri snjór yfir öllu og Akureyringar búnir að skreyta bæinn í jólabúninginn og ekki annað hægt en að hrökkva í jólagírinn. Eftir hlaupið var farið inn í Átak og þar hlaupnir 3 km á bretti til styrktar Mæðrastyrktarnefnd. Að lokum var að sjálfsögðu farið í pottin sem er uppi á þaki stöðvarinnar undir berum himni.    

Kveðja Pétur og Lísa.