Hlaupaplan 23. - 29.mars 2009 + Flóahlaupið

Hæ allir

Minni á Flóahlaupið, laugardaginn 28.mars, farið frá Félagslundi kl.14:00, nánar neðar á síðunni.

Planið fyrir þesssa viku er eftirfarandi: 

Þriðjudagur 24.mars

Upphitun 18:05 við Sundhöll
Hlaupið af stað 18:15 frá Sundhöll

Skokkum út að Toyota og tökum æfingar við Bílasölurnar. skokkum svo til baka og aðeins lengra þeir sem vilja.

Þrek og teygjur um 19:00 fyrir þá sem vilja í Sandvíkursalnum

Fimmtudagur 26.mars

Hlaupið af stað kl.18:15 frá Sundhöll, þeir sem ætla í flóahlaupið á laugardaginn skokka rólega í dag og teygja síðan vel á.

4km
Farið frá Sundhöll og eftir Tryggvagötunni alla leið að Suðurhólum. Beygt til hægri og hlaupið meðfram Suðurhólum. Beygt inn til hægri, Norðurhólana og farið inn Nauthagann alla leið að Fossheiðinni. Beygt til hægri í átt að Sundhöll.

10km
Farið frá Sundhöll og eftir Tryggvagötunni alla leið að Suðurhólum. Beygt til hægri og hlaupið meðfram Suðurhólum alla leið að Engjavegi. Til hægri eftir Engjavegi og svo vinstri inn Fossveginn(aftur fyrir húsasmiðjuna). Hlaupið eftir Fossvegi og alla leið áfram inn Fossheiðina. Fossheiðin að Fsu og áfram eftir Langholtina að Byko. Frá Byko yfir Austuveg og meðfram ánni alla leið undir brúnna og framhjá kirkjunni. Síðan hlaupið inn Engjaveg og að Sundhöll.

Muna að teygja vel á á eftir.

Laugardagur 28.mars - Flóahlaupið, skyldumæting hjá frískum flóamönnum

Staður og tímasetning
Hefst kl. 14:00 við Félagslund, Gaulverjarbæjarhreppi.

Vegalengdir

• 3 km með tímatöku
• 5 km með tímatöku
• 10 km með tímatöku

Flokkaskipting

3 km

• Strákar 14 ára og yngri
• Stelpur 14 ára og yngri

5 km

• Konur opinn flokkur
• Karlar opinn flokkur

10 km

• Konur 39 ára og yngri
• Konur 40-49 ára
• Konur 50 ára og eldri
• Karlar 39 ára og yngri
• Karlar 40-49 ára
• Karlar 50-59 ára
• Karlar 60-69 ára
• Karlar 70 ára og eldri

Verðlaun
Verðlaun fyrir þrjá fyrstu í hverjum flokki. Upplýsingar Markús Ívarsson í símum 486-3318 og 695-9263.

Skráning
Skráningargjald 800 kr fyrir 14 ára og yngri og 1500 kr fyrir 15 ára og eldri (óstaðfest). Einungis skráð á staðnum. Ath. að greiða verður með peningum, enginn POSI á staðnum.

Innifalið í skráningargjaldinu er hið víðfræga og glæsilega hlaðborð þeirra Flóamanna sem enginn verður svikinn af eftir hlaupið.

kveðja Bragi

Árshátíð!!!!

 Árshátíð gaman gaman.

Nú er ákveðið að haldin verður Árshátíð Frískra Flóamanna og áhangenda.

Hulum-hæið verður í apríl 2009. Eftir mikla leit að húsi þar sem Perlan, Hótel Holt og aðrir sambærilegir staðir voru uppteknir var ákveðið að leita hér heima.

Nánar auglýst síðar. Hvar?????

EN þar sem kokkurinn vill fá að vita hverjir koma ekki, ætlum við að biðja ykkur hin að skrá ykkur strax og senda inn netfangið ykkar þar sem við munum senda ykkur allt um Árshátíðina. Eftir því sem allt um hana skýrist.

Skemmtilegasta nefndin.

Hlaupaplan 16. - 22.mars

Sæl Öll

Þá eru kominn inn nokkur skipulögð hlaup sem hægt er að taka þátt í á vormánuðum

Dagskrá vikunnar er þó eftirfarandi:

Þriðjudagur 17.mars

Upphitun 18:05 við Sundhöll Selfoss
Hlaupið af stað 18:15 frá Sundhöll Selfoss

Hlaupum eftir Engjavegi að hesthúsunum og beygjum til hægri við Langholtið. Hlaupum að Erlurima og beygjum inn til vinstri. Förum Erlurima að Suðurhólum. Hlaupum Suðurhólana að Gagnheiði í tempósprettum. Hlaupum eins til baka og síðan rólega að Sundhöll. Fer nánar yfir þetta áður en lagt er af stað.

Þrek í salnum um 19:00 fyrir þá sem þora!!!

Fimmtudagur 19. mars

6.km
Farið frá sundlaug að Árvegi. Hlaupið að veitunum og beygt til vinstri. Laugardælahringurinn tekin að þjóðveginum. Hlaupið aftur í átt að Selfoss og beygt við Byko. Beygt inn Engjaveg og að sundlaug

10km
Farið frá sundlaug að Árvegi. Hlaupið að veitunum og beygt til vinstri. Laugardælahringurinn tekin að þjóðveginum. Hlaupið aftur í átt að Selfoss og beygt við Byko. Langholtið hlaupið að Erlurima og beygt þar inn að Suðurhólum. Hlaupið að Eyravegi, undir brúnna og Árveginn að bankavegi. Beygt til hægri að sundlaug.

Laugardagur 21.mars
Gæti orðið Flóahlaup en það skýrist í vikunni. Þar mæta náttúrulega allir galvaskir. Ef Flóahlaupið er 28.mars hlaupum við bara votmúlahringinn í dag.

kv Bragi

Hlaupadagskrá vorsins

Nú fer að líða að árlegum hlaupaviðburðum og hér nefni ég þau hlaup sem þegar hafa verið ákveðin.

Flóahlaup: Skv. hlaup.is verður Flóahlaupið þann 28. mars nk klukkan 14:00 frá Félagslundi í Gaulverjabæ. Pétur sagði hins vegar að það yrði næstu helgi, þann 21. mars. Það kemst á hreint í vikunni.

Píslarhlaup: Ekki ákveðið.

Maríuhringur: Þann 9. maí verður hlaupinn Maríuhringurinn sem liggur frá Flúðum og út í sveitina austan við Flúðir, hjá Hruna, og aftur að Flúðum. Þessi hringur er um 14 km en hægt verður að fara styttri vegalengdir líka. 

Mývatnsmaraþon: Þann 31. maí er hlaupið í kringum Mývatn.
Sjá nánar: Mývatnsmaraþon

Líklega er ég að gleyma einhverju og endilega látið mig vita ef svo er.

kv. Guðrún Lára

Hlaupaplan vikuna 9. - 15.mars

Sæl Öll

Þá er enn ein hlaupavikan runnin upp með hækkandi sól á lofti, en talsverðum kulda. Við látum það þó ekki á okkur fá og höldum áfram að mæta. Það eru bara kettlingar sem sitja heima.

Hlaupaplan vikunnar er eftirfarandi:

Þriðjudagur 10.mars

10.5 km
Upphitun kl.18:05 og svo hlaupum við saman af stað kl.18:15 frá Sundhöll.
Skokkum niður að Árvegi og til hægri að MS. Það eftir Langholtinu og beygjum inn Erlurima að sunnulækjarskóla og beygjum til hægri við skólann. Hlaupum beint áfram alla leið að Nauthaga og beygjum inn til hægri og förum eftir Nauthaga að Fossheiðinni. Til vinstri þar að Eyravegi og aftur til vinstri og hlaupið að bæjarmörkum, beygti inn Suðurhólana og þeir farnir alla leið að Erlurima. Þaðan að Langholti og til hægri og síðan inn Engjaveginn að Sundhöll  

Fimmtudagur 12.mars

4,0km
Hlaupið að ljósunum við Tryggvagötu og beygt til vinstri inn Engjaveg. Hlaupið að Langholti, beygt til hægri og Langholtið hlaupið að Erlurima. Erlurimi að Sunnulækjarskóla og beygt til hægri inn að hringtorginu við Tryggvagötu. Tryggvagata hlaupinn að sundlaug.

10 km
Hlaupið að ljósunum við Tryggvagötu og beygt til vinstri inn Engjaveg. Hlaupið að Langholti, beygt til hægri og Langholtið hlaupið að Erlurima. Erlurimi að Suðurhólum. Suðurhólarnir farnir að Eyravegi. Eyravegur að Þóristúni, Þóristúnið framhjá kirkjunni undir brúnna og áfram að MS. Yfir að Byko og áfram Langholtið að FSu og í átt að Sundhöll. Hlaupa á jöfnum hraða og enda á spretti síðustu metrana.

Muna að passa sig á hálkunni og teygja á eftir æfingu.

Laugardagur 14.mars  Powerade hlaupið

Mæting við Sundhöll kl.10:00. Hlaupið er 10km hver á sínum hraða.

 Kveðja Bragi

Hlaupaplan 3. - 8.mars

Sæl Öll

Þá er það hlaupaplan vikunnar.

3.mars
Farið frá sundlaug að Tryggvagötu Hlaupið að hringtorginu við Fsu. Farið inn Fossheiðina og að Eyravegi. Til hægri að Þóristúni. Inn Þóristún að brúnni og meðfram Árvegi. Hlaupið að Byko og inn Engjaveg. Engjavegur alla leið að Eyravegi. Vinstri við Eyraveg og að Suðurhólum. Suðurhólar að Erlurima og þaðan að Langholti. Hægri við Langholtið og hlaupið aftur að Engjavegi og beygt það í átt að sundlaug.

Ef aðstæður leyfa munum við stoppa á ákveðnum stöðum og taka aukaæfingar

5.mars

4 km.
Frá Sandvík yfir að Árvegi. Vinstri í átt að brúnni. Yfir brúnna og að hringtorginu við Toyota. Farið til hægri og hlaupið eftir Hrísmýrinni og aftur til baka að brúnni. Hlaupið eftir Austurvegi að Sundhöll.

10,5 km.
Frá Sandvík yfir að Árvegi. Vinstri í átt að brúnni. Yfir brúnna og að hringtorginu við Toyota. Farið til hægri og hlaupið eftir Hrísmýrinni og aftur til baka að brúnni. Hlaupið eftir Eyravegi að Suðurhólum, beygt inn Tryggvagötu að Fsu. Langholtið að Byko og yfir Austurveg að Árvegi í átt að Sundhöll.

7.mars
Stóri Votmúlahringurinn

kveðja Bragi

Hlaupaplan 23.feb - 1.mars

Sæl Öll

Hlaupaplanið fyrir þessa vikuna er eftirfarandi: 

Þriðjudagur 24.feb

Upphitun kl.18:05 við Sundhöll Selfoss

Hlaupið af stað kl.18:15 frá Sundhöll Selfoss.
Þrekhringur – Langholtshringurinn
3.km
Farið af stað frá Sundhöll og hlaupið að Tryggvagötu, farið að FSu og þaðan Langholtið að Engjavegi. Engjavegur að ljósunum og hægri að sundhöll.Æfingar á leiðinni
Hringtorgið við FSu – 20 hnébeygju
Hulduheimar – 10 armbeygjur + 10 hnébeygjur
Engjavegur við hesthúsin - 20 sprellikarlar 
Við Endalínuna – 10 framstig á hvorn fót og 20 kálfalyftur

Létt skokk í restina

Þrek í sandvíkursalnum kl.19:00 c.a. og svo teygt á

Fimmtudagur 26.feb

4,0 km
Farið frá sundlaug að Tryggvagötu Hlaupið að hringtorginu við Fsu. Farið inn Fossheiðina og að Eyravegi. Farið yfir að Fossveginum. Hann hlaupinn alla leið aftur að Eyravegi. Beygt til hægri og Eyravegur hlaupinn í átt að Austurvegi. Beygt til vinstri við Þóristún og hlaupið að brúnni og inn að Árvegi. Bankavegur hlaupinn að Sundlaug.

10,5 km
Farið frá sundlaug að Tryggvagötu Hlaupið að hringtorginu við Fsu. Farið inn Fossheiðina og að Eyravegi. Til hægri að Þóristúni. Inn Þóristún að brúnni og meðfram Árvegi. Hlaupið að Byko og inn Engjaveg. Engjavegur alla leið að Eyravegi. Vinstri við Eyraveg og að Suðurhólum. Suðurhólar að Erlurima og þaðan að Langholti. Hægri við Langholtið og hlaupið aftur að Engjavegi og beygt það í átt að sundlaug. Hlaupa á góðu tempói.

Laugardagur 28.feb 

10 km.
Hlaupið að Tryggvagötu í átt að Sunnulækjarskóla, beygt inn Dælengið til hægri og svo út Miðengið, hægri að Lágengi, inn þar og svo út Suðurengið. Beygt til hægri að hringtorginu við Suðurbyggðina. Haldið áfram að Suðurhólum, til hægri að Eyravegi og farið eftir honum að Engjavegi. Beygt til Vinstri að MS og þaðan farið eftir Árveginum að brúnni. Hlaupið áfram í átt að kirkjunni og aftur inn á Engjaveginn í átt að sundhöllinni.

kveðja Bragi

Hlaupaplan vikuna 16.feb - 21.feb

Hæ Allir

Þá er maður stiginn upp úr pestinni sem hefur vægast sagt komið og farið síðustu vikuna. Vona að þið hin hafið sloppið við þetta. Nú styttist óhjákvæmilega mikið í vorið sem er gott og hefur maður tekið eftir því að birtan endist aðeins lengur fram á daginn sem er líka gott. Það styttist líka í Mývatnshlaupið 30.maí en nú eru 103 dagar til stefnu....og tíminn líður. Það er enn tími til að setja sér markmið til að stefna á fyrir hlaupið. Munið að keppt er í nánast öllum vegalengdum 3, 10, 21 og 42km svo allir í fjölskyldunni eiga að finna sér hlaup við hæfi.   

Planið fyrir þessa viku er á þessa leið.

Þri. 17.feb.

Upphitun 18:05 við Sundhöll
Hlaupið af stað 18:15 frá Sundhöll

Skokkum út að Toyota og tökum æfingar við Bílasölurnar. skokkum svo til baka og aðeins lengra þeir sem vilja.

Þrek og teygjur um 19:00 fyrir þá sem vilja í Sandvíkursalnum

fim. 19.feb

Hlaupið af stað kl.18:15 frá Sundhöll

4km
Farið frá Sundhöll og eftir Tryggvagötunni alla leið að Suðurhólum. Beygt til hægri og hlaupið meðfram Suðurhólum. Beygt inn til hægri, Norðurhólana og farið inn Nauthagann alla leið að Fossheiðinni. Beygt til hægri í átt að Sundhöll.

10km
Farið frá Sundhöll og eftir Tryggvagötunni alla leið að Suðurhólum. Beygt til hægri og hlaupið meðfram Suðurhólum alla leið að Engjavegi. Til hægri eftir Engjavegi og svo vinstri inn Fossveginn(aftur fyrir húsasmiðjuna). Hlaupið eftir Fossvegi og alla leið áfram inn Fossheiðina. Fossheiðin að Fsu og áfram eftir Langholtina að Byko. Frá Byko yfir Austuveg og meðfram ánni alla leið undir brúnna og framhjá kirkjunni. Síðan hlaupið inn Engjaveg og að Sundhöll.

Muna að teygja vel á á eftir.

Laugardagur 21.feb

Lagt af stað kl.11:00 frá Sundhöll

10km
Hlaupið að ljósunum og beygt til vinstri inn Engjaveg. Hlaupið að Langholti, beygt til hægri og Langholtið hlaupið að Erlurima. Erlurimi að Suðurhólum. Suðurhólarnir farnir að Eyravegi. Eyravegur að Þóristúni, Þóristúnið framhjá kirkjunni undir brúnna og áfram að MS. Yfir að Byko og áfram Langholtið að FSu og í átt að Sundhöll.

 kveðja Bragi

Hlaupaplan þri. 10. feb, fim. 12.feb, og lau. 14.feb Powerade dagur

sæl Öll

Við byrjum vikuna á góðri æfingu þriðjudaginn 10.feb.
Lagt verður af stað í upphitun 18:05 frá Sundhöll og síðan hlaupið frá sama stað kl.18:15. Farið verður að Suðurhólum og hlaupið þar í stuttum sprettum. Eftir hlaupin er þrek í Sandvíkursalnum fyrir þá sem vilja.

Fimmtudagur 12.feb

4,0km
Hlaupið að ljósunum við Tryggvagötu og beygt til vinstri inn Engjaveg. Hlaupið að Langholti, beygt til hægri og Langholtið hlaupið að Erlurima. Erlurimi að Sunnulækjarskóla og beygt til hægri inn að hringtorginu við Tryggvagötu. Tryggvagata hlaupinn að sundlaug.

10 km
Hlaupið að ljósunum við Tryggvagötu og beygt til vinstri inn Engjaveg. Hlaupið að Langholti, beygt til hægri og Langholtið hlaupið að Erlurima. Erlurimi að Suðurhólum. Suðurhólarnir farnir að Eyravegi. Eyravegur að Þóristúni, Þóristúnið framhjá kirkjunni undir brúnna og áfram að MS. Yfir að Byko og áfram Langholtið að FSu og í átt að Sundhöll. Hlaupa á jöfnum hraða og enda á spretti síðustu metrana.

Muna að passa sig á hálkunni og teygja á eftir æfingu.

Laugardagur 14.feb  Powerade hlaupið

Mæting við Sundhöll kl.10:00. Hlaupið er 10km hver á sínum hraða.

 Kveðja Bragi

Hlaupaplan fyrir 3. og 5. febrúar

Þriðjudagur 3.febrúar 2009

Mæting 18:05 fyrir þá sem vilja taka upphitun og síðan verður hlaupið af stað kl.18:15 frá Sundhöll.

4,0km
Hlaupið að ljósunum og beygt til vinstri inn Engjaveg. Hlaupið að Langholti, beygt til hægri og Langholtið hlaupið að Erlurima. Erlurimi að Sunnulækjarskóla og beygt til hægri inn að hringtorginu við Tryggvagötu. Tryggvagata hlaupinn að sundlaug.

10 km
Hlaupið að ljósunum og beygt til vinstri inn Engjaveg. Hlaupið að Langholti, beygt til hægri og Langholtið hlaupið að Erlurima. Erlurimi að Suðurhólum. Suðurhólarnir farnir að Eyravegi. Eyravegur að Þóristúni, Þóristúnið framhjá kirkjunni undir brúnna og áfram að MS. Yfir að Byko og áfram Langholtið að FSu og í átt að Sundhöll.

Eftir hlaupin er þrek í Sandvíkursalnum fyrir þá sem vilja. 

Fimmtudagur 5.febrúar 2009 

Þorrahlaup að hætti frískra flóamanna. Mæting kl.18:05 við Sundhöllina. Eftir sameiginlegt hlaup verður farið í bað og þaðan í þorrapizzu í Selinu við íþróttavöllinn.

kv. Bragi