Frjálsíþróttaþing á Selfossi fjallaði um almenningshlaup

Dagana 16. og 17. mars var þing Frjálsíþróttasambands Íslands haldið á Selfossi. Almenningshlaup höfðu töluvert vægi á þinginu. Þar voru samþykktar reglur um hvernig standa skuli að götuhlaupum og ofurhlaupum. Þetta er til mikilla bóta þar sem slíkar reglur hefur vantað. Þá ákvað þingið að haldið verði meistaramót í 5 og 10 km götuhlaupum. Þetta er nýjung og munu þau fara fyrst fram í ár. Samþykkt var ályktun um aukna áherslu á almenningshlaup með það að markmiði að hlauparar sjái ávinning í að starfa innan sambandsins. Þá var fjallað um Íslandsmeistaramót í heilu og hálfu maraþoni og ákveðið að Reykjavíkurmaraþon verði framvegis Íslandsmeistaramót í heilu maraþoni.

Æfingaáætlun vikuna 13.-18. mars

Sælir félagar

Hér er áætlun vikunnar.

Sjáumst á morgun:)

Kv. Salóme

Skrár tengdar þessari bloggfærslu:

• Áætlun 13.-18.mars

Æfingaáætlun vikuna 5.-11.mars

Sælir félagar

Hérna er æfingaáætlun vikunna

Sjáumst á morgun:)

Kv. Salóme

Skrár tengdar þessari bloggfærslu:

• Æfingaáætlun vikuna 5.-11.mars

Nafnið Frískir Flóamenn

Fyrsta "óformlega" nafn hlaupahópsins var Hlaupahópurinn Týra nefndur eftir tíkinni Týru sem Þór Vigfússon átti og var stundum með á hlaupum, var hún einu sinni skráður þáttakandi í Brúarhlaupinu. Nafnið Frískir Flóamenn varð síðan til 11. ágúst 1998 þegar nokkra félaga í hópnum vantaði nafn á boðhlaupssveit í Orkuhlaupinu sem fram fór í Elliðaádalnum. Fyrst var nefnt Ferskir Flóamenn en úr varð Frískir Flóamenn sem Sveinn Sigurmundsson stakk uppá. Festist nafn þetta síðan við hlaupahópinn. Í boðhlaupssveitinni í Orkuhlaupinu voru auk Sveins bræður hans tveir Úlfhéðinn og Haraldur, Sigmundur Stefánsson og Ingvar Garðarsson. Þess má geta að félagarnir hlupu 3x3 km og 2x6,5 km á 1:26:55 mín og urðu í 6. sæti.

Æfingaáætlun vikuna 27.feb-4.mars

Sælir félagar

Hérna er áætlun vikunnar. Afsaka hér með fjarveru mína undafarnar æfingar, er búin að vera veik og mikið í skólanum!
Vona að allt hafi gengið vel á meðan ég var í burtu og að mætingin hafi verið góð:)

Hlakka til að sjá ykkur á morgun

Kv. Salóme

Skrár tengdar þessari bloggfærslu:

• Áætlun vikuna 27.feb- 4.mars

Forsaga hlaupahóps Frískra Flóamanna

Á næstunni verða hér á síðunni nokkrir pistlar um sögu Frískra Flóamanna og kemur hér sá fyrsti.

Forsasögu Frískra Flóamanna má rekja til ársins 1992 að nokkrir félagar hlupu hver í sínu lagi frá Sundhöll Selfoss. Voru þetta Þór Vigfússon, Ingvar Garðarsson, Hlöðver Örn Rafnsson og Magnús Jóhannsson. Kom þá upp sú hugmund að hlaupa "langt" saman einu sinni í mánuði. Úr varð sameiginleg langhlaup fyrsta föstudag hvers mánaðar. Var sá háttur hafður á um nokkurra ára skeið. Á árinu 1997 fjölgaði sameiginlegum hlaupadögum og hófst þá sá siður að hlaupa saman tvisvar í viku þ.e. á þriðjudögum og fimmtudögum og síðar, einnig á laugardögum en þó ekki reglulega. Árið 1999, 20. apríl, stofnaði Anna María Óladóttir skokkhóp á Selfossi sem nefndur var Skokkhópur Önnu Maríu, síðar sameinuðust þessir hópar undir nafni Frískra Flóamanna.

Athugasemdir eða viðbótarupplýsingar vinsamlegast sendist til Magnúsar á [e-mail].

Æfingaáætlun vikuna 20.-26.feb

Sælir félagar

Hér er áætlun vikunnar, vona að allir hafi fengið sér allavega eina bollu í dag því að morgun verður tekið á því:)

Kv. Salóme

Skrár tengdar þessari bloggfærslu:

• Áætlun 20.-26.feb

Fjöruhlaup í fínu færi

Sameiginlegt fjöruhlaup Frískra Flóamanna og Skokkhóps Hamars í Hveragerði var í dag 18. febrúar. 23 hlauparar hlupu fjöruna, flestir frá Hafinu bláa að sundlauginni í Þorlákshöfn, rúma 10 km. Vigfús lét það ekki nægja heldur hljóp frá Selfossi og í Þorlákshöfn, um 27 km. Veður var bjart, en norðan garri og um 5 °C frost. Fjaran var fín til hlaupa, sandurinn þéttur og á köflum eins og fínasta tartanbraut. Vindurinn kom ekki að sök þar sem skjól var af fjörukambinum. Myndir í myndasafni.

Fjöruhlaup laugardaginn 18. febrúar

Næsta laugardag ætla Frískir Flóamenn að hlaupa í fjörunni til Þorlákshafnar með vinum okkar úr Hveragerði. Farið verður frá sundlauginni á Selfossi kl. 9:30 með rútu að Hafinu bláa þar sem við hittum Hamarsfólkið og hlaupum þaðan. Hlaupiö verður þaðan, um 10 km, að sundlauginni í Þorlákshöfn. Þeir sem vilja geta faðið 5 km og keyrir rútan þangað. Mátulegt fyrir þá sem ekki hafa hlaupið mikið. Farið í sund og svo í Rauða húsið á Eyrarbakka og snædd súpa. Hafið með aura fyrir sundferð og súpu. Áætluð heimkoma er um kl. 14. Skráning á fésbókarsíðu Frískra Flóamanna eða á [e-mail] í síðasta lagi fyrir hádegi á föstudag svo það verði pláss í rútunni. Nýliðarnir sem hafa verið svo duglegir að mæta í vonda veðrinu að undanförnu eru sérstaklega velkomnir.

Æfingaáæltun vikuna 13.-19.feb

Sælir félagar

Hérna kemur æfingaáætlun vikunnar:) Ég kemst því miður ekki núna á fimmtudaginn(16.feb) og heldur ekki fimmudaginn eftir það(23. feb) en
hún Steinunn ætlar að þjálfa byrjendahópinn fyrir mig, þannig að þið mætið eins og venjulega:) Vill líka hrósa ykkur fyrir góða mætingu þrátt fyrir miður
leiðinlegt veður undanfarið.

Hlakka til að sjá ykkur á morgun

Kv. Salóme

Skrár tengdar þessari bloggfærslu:

• Æfingaáætlun vikuna 13.feb-19.feb