Brautarvarsla Frískra Flóamanna á Laugaveginum gekk vel

Frískir Flóamenn sáu um brautarvörslu í Laugavegshlaupinu ásamt Björgunarfélagi Árborgar. Þátttakendur voru rúmlega 300 að þessu sinni. Veður var ákjósamlegt milt, lítill vindur og að mestu þurrt. Brautarmet voru slegin í bæði kvenna og karlaflokki. Það er mikið verk að sjá til þess að allt gangi snurðulaust fyrir sig á þessari í þessu krefjandi 55 km fjallahlaupi. Frískir Flóamenn ásamr Björgunarfélaginu mættu með bros á vör og voru boðnir og búnir að veita hlaupurum drykki og orku, hjálpa þeim yfir erfiðar ár og veita aðhlynningu ef á þurfti að halda. Allt gekk að óskum og getum við verið stolt yfrir okkar framlagi.

361 skráðir í Laugavegshlaupið

Laugavegshlaupið verður næstkomandi laugardag 14. júlí og munu Frískir Flóamenn sjá um brautarvörslu ásamt Björgunarfélagi Árborgar. Samkvæmt upplýsingum af heimasíðu hlaupsins eru 361 hlaupari skráður, 259 karlar og 102 konur, útlendingar eru 113 frá 22 löndum. Árið 2011 lögðu 306 af stað í hlaupið. Okkur er falin mikil ábyrgð og við þurfum öll að vera klár á okkar hlutverki. Upplýsingar um hlaupið (ætlað þáttakendum en nýtist okkur) á http://www.marathon.is/laugavegshlaup/Upplysingar_2012.

Fundur um Laugavegshlaupið

Laugavegshlaupið er framundan verður 14. júlí. Frískir Flóamenn verða með brautarvörslu. Fundur varðandi brautarvörsluna verður að Birkivöllum 6 kl. 19:30 á morgun þriðjud 3. júlí. Þeir sem hafa áhuga á að vera með, vinsamlegast sendið póst á [e-mail]

Frískir Flóamenn í Bláskógaskokki og Esjuhlaupi

Nóg er framboðið af hlaupum um þessar mundir. Þann 23. júní var Bláskógaskokk og Esjuhlaupið eða Mt. Esja Ultra. Þar fóru menn upp að steini 2, 5 eða 10 ferðir. Vigfús fór 5 ferðir, 35 km og 3000 m + hækkun geri aðrir betu. Þá tóku fjórir Frískir þátt í Bláskógaskokkinu og stóðu sig vel. Nú styttist í Laugavegshlaupið en það verður 14. júlí og eru nokkrir Frískir í fullum undirbúningi fyrir þetta krefjandi hlaup. Frískir Flóamenn munu að vanda sjá um brautargæslu á leiðinni.

Frískir Flóamenn í Hamarshlaupinu, Bláskókaskokk á laugardaginn.

Fjórir Frískir Flóamenn tóku þátt í Hamarshlaupinu sem haldið var 17. júní. Hlaupnir voru 25 km utanvega um Reykjadal við Hveragerði. Renuka, Sigrún, Steini og Vigfús hlupu og stóðu sig með prýði. Sigrún var 6. kona í mark. Úrslitin eru á hlaup.is.

Nóg framboð er af hlaupum þessa dagana. Miðnæturhlaupið 21. júlí og hið sívinsæla Bláskógaskokk 23. júní.  Það hefst kl. 11:00. Hlaupið er 40 ára í ár, en það var fyrst haldið 2. júlí 1972.  Sjá nánar hlaup.is

Hlaupum í góða veðrinu

Nú er veðrið til að hlaupa og undirbúa hlaup sumarsins, nóg framboð og fjölbreytt af almenningshlaupum. Minni á sameiginlega hlaupatíma Frískra Flóamanna á þiðjudögum og fimmtudögum kl. 17:15 á laugardögum kl. 10:00 og sunnudögum kl. 10:30. Farið frá Sundhöll Selfoss.

Æfingaáætlun vikuna 14.-20.maí

Sælir félagar

Hérna er æfingaáætlun vikunnar. Það er spurning um að hafa æfinguna á fimmtudaginn um morguninn þar sem að
það er frídagur. Ræðum það á morgun:)

Síðasta æfingin mín er á fimmtudaginn og vona ég að sem flestir sjái sér fært um að mæta. Hinum þakka ég kærlega fyrir
samveruna síðastliðinn 2 ár, það eru búin að vera algjör forréttindi að fá að þjálfa svona skemmtilegan og duglegan hóp.
Mjög góð reynsla í reynslubankann.

Takk kærlega fyrir mig :)
Salóme Rut

Skrár tengdar þessari bloggfærslu:

• Áætlun 14.-20.maí

Frískir Flóamenn hlaupa á vor í Árborg 19. maí

 Laugardagurinn 19. maí ætla Frískir Flóamenn að hlaupa Stokkseyrarhringinn. Lagt verður af stað kl. 9:00 frá Sundhöll Selfoss. Hringurinn er 35km. Farið verður niður Eyrarbakkaveg, að Stokkseyri og um Gaulverjabæjarveg til baka. Allir eru velkomnir, hvar sem er á hringnum. Rúta fylgir á eftir fyrir þá sem vilja hlaupa með hluta af leiðinni.

Æfingaáætlun vikuna 7.-13.maí

Sælir félagar

Hérna er áætlun vikunnar..... Sigurbjörn Árni Arngrímsson doktor í Íþrótta- og heilsufræði og þaulreyndur hlaupari verður með
æfinguna á fimmtudaginn og hvet ég alla til að mæta, líka þá sem hafa ekki mætt í einhvern tíma. En þetta er fínt tækifæri til þess að
koma sér af stað fyrir sumarið. Bjössi mun fara í hlaupastíl og hvað sé gott að hafa í huga í sambandi við hlaup o.fl.:) Við verðum á vellinum
en hittumst að sjálfsögðu við sundhöllina.

Kv. Salóme

Skrár tengdar þessari bloggfærslu:

• Áætlun vikuna 7.-13.maí

Æfingaáætlun vikuna 30.apríl-6.maí

Sælir félagar

Hér er æfing vikunnar. Ég fattaði of seint að það er frídagur á morgun þannig að ég mæti klukkan 17:15 og vonast til þess að
sjá sem flesta þá:)

Kv. Salóme

Skrár tengdar þessari bloggfærslu:

• Áætlun vikuna 30.apríl-6.maí