Brúarhlaupið 2013

Brúarhlaupið fór fram laugardaginn 7. september. Sumir byrjuðu daginn á að koma saman í morgunverð í Guðnabakaríi.   Frískir Flóamenn fjölmenntu að vanda í Brúarhlaupið og stóðu sig vel. Sumir hjóluðu aðrir hlupu. Nokkur vindur var niður Gaulverjabæjarveginn sem tók í.  Þórir vann 5 km hjólið, Wieslaw var annar í 21 km, Björk var önnur í flokki 40-49 ára í 21 km. Sigmundur vann flokk 60-69 ára  í 10 km með yfirburðum og Ingvar var annar í 10 km 50-59 ára. Úrslitin eru á hlaup.is. Myndir í myndaalbúmi.

Uppskeruhátíð Frískra Flóamanna laugardaginn 7. september

Nú er komið að uppskeruhátíð Frískra Flóamanna sem verður laugardaginn 7. september og hefst kl. 19. Komið verður saman í Eldhúsinu snætt og haft gaman. Annáll verður orðuveitingar ofl. Hver kemur með sína drykki, makar velkomnir. Verð kr. 3.500.  Ská þarf þátttöku á netfangið [e-mail] fyrir miðvikudag.

Frískir Flóamenn í Reykjavíkurmaraþoni

Frískir Flóamenn fjölmenntu í 30.  Reykjavíkurmaraþon sem fór fram í gær laugardag 24. ágúst. Margir fóru 10 eða 21km. Einhverjir voru að taka þátt í fyrsta sinn og aðrir að bæta sinn fyrri árangur. Ingvar hljóp sitt 30. Reykjavíkurmaraþon og hefur tekið þátt öll ár frá 1984 þegar hlaupið fór fyrst fram. Geri aðrir betur.  Wieslaw fór heilt maraþon og var það hans fyrsta.  Hann renndi sér kílómetrana 42 á 3:14:40 sem er hreint frábær tími. Frískir hittust fyrir og eftir hlaup og höfðu gaman saman.

Frískir Flóamenn ætla að hlaupa í Reykjavíkurmaraþoni

Nú er RM á næst leyti en hlaupið er á laugardaginn. Á föstudag er afhending keppnisgagna og er meiningin að hittast kl. 16:30 við sundlaugina og sameinast í bíla til Rvíkur og hafa gaman. Á laugardagsmorgun er maraþon og 1/2 maraþon ræst kl. 08:40 - þeir sem taka þátt eru hvattir til að sameinast í bíla til Reykjavíkur. 10 km hlauparar koma kannski með okkur en ræs hjá þeim er kl. 09:35. Planið er að hittast fyrir hlaup og ná mynd og hita upp saman. Árborgarfáni verður á svæðinu (Klappliðinu stjórnar Hrund Baldursdóttir). Við byrjum á því að koma okkur fyrir hjá skúlptúrnum (járnadótinu) sem er í brekkunni. Verum vinstra megin við skúlptúrinn (miðað við að við séum að horfa niður á Lækjargötu). Það borgar sig að vera ekki seinna en 08:15 við rásmarkið. (sem þýðir að farið sé frá Selfossi ekki seinna en um kl. 7:15). Við erum öll að koma í mark á svipuðum tíma, þ.e. milli 10:15 og 11:15. Kiddi og Hrund ætla að bjóða upp á freyðivín fyrir hópinn eftir hlaup. Það er jafnvel að Wieslaw okkar ætli sitt fyrsta heila maraþon. Hann verður þá væntanlega við marknínuna um 12 leitið og ekki úr vegi að taka vel á móti honum. Gangi ykkur vel.

Sigmundur þriðji í járnkarli í Kalmar

Sigmundur var þriðji í flokki 60-64 ára karla í járnkarli sem fram fór í Kalmar í Svíþjóð í dag á tímanum 11:43:18. Sigmundur synti 3,96 km á 1:07:05, hjólaði 180,2 km á 6:31:56 og hljóp maraþon (42,2 km) á 3:52:28. Daninn Ole Hansen  var fremstur í hans flokki á 11:10:32 og Finninn Erkki Anunti annar á 11:33:12. Sigmundur leiddi flokkinn eftir sundið en var í 7. sæti eftir hjólið, renndi sér síðan fram úr keppinautum sínum í hlaupinu og vann sig upp í þriðja sæti. Frábær árangur hjá Sigmundi.

Sigrún í öðru sæti í flokki kvenna í Jökulsárhlaupinu

Sigrún Sigurðardóttir var í öðru sæti í flokki kvenna í Jökulsárhlaupinu sem fram fór í dag. Sigrún var á tímanum 2:46:36 en fyrst kvenna var Hólmfríður Vala Svavarsdóttir, tæpum 3 mín á undan Sigrúnu. Aldeilis flott hjá Sigrúnu.  Kári Steinn Karlsson var fyrstur í hlaupinu á 2:03:53. Næsti maður, Friðleifur Friðleifsson var rúmum 11 mínútum á eftir Kára.  Sunnlendingurinn Daníel Reynissin var 10. í hlaupinu á 2:33:22. Níutíu hlauparar luku hlaupinu.  HLaupnir voru 32,7 km utanvega. Einnig voru hlaupnir 13 km og 21,2 km. 

Úrslitin má sjá á slóðinni; http://timataka.net/jokulsarhlaup2013/urslit

Sumarhlaup FF á Selfossi

Sumar á Selfossi er um helgina og af því tilefni ætlum við að bjóða bæjarbúum og öllum öðrum reyndar líka að hlaupa með okkur nk. laugardag 10. ágúst. Þar sem öllum er boðið í morgunmat kl. 9 ætlum við að fara af stað kl: 11:00 og hlaupa frá sundlauginni að venju og fara í Hellisskóg. Hátíðahaldarar ætla að bjóða upp á hressingu í Stóra-Helli að hlaupi loknu. Allir eruu velkomnir að mæta, og auðvitað fjölmenna Frískir Flóamenn og sýna bæjarbúum hvað þeir eigi stóran og flottan hlaupahóp.

Hengilshlaupið

Hengils Ultra hlaupið fór fram, í annað sinn, í blíðskaparveðri í gær 27. julí.  Helst til heitt var, lofthiti var yfir 20 °C sem gerði keppendum erfitt fyrir. Vegalengdir voru 50 mílur (81 km.) og 50 km. Hlaupið var um Hengilssvæðið með byrjun og endi í Hveragerði. Þátttakendur voru 6 í 50 km hlaupinu og 9 í 50 mílum (81 km). Elísabet Margeirsdóttir sigraði 81 kmhlaupið á 11:14:55. Í öðru sæti var Birkir Árnason á tímanum 12:33:37. Sigurvegari í 50 km var Óskar Jakobsson á  6:25:03.  Tveir Frískir Flóamenn fóru í 81 km, Steini og Fúsi.  Steini lauk á 13:41:28 og var fjórði, aldeilis flott það, en Fúsi varð að hætta eftir 50 km en fékk þar tímann 10:39:29. 

Laugavegurinn 2013

Laugavegshlaupið fór fram í gær 13. júlí í þokkalegu veðri vott var og fremur svalt og mótvindur síðari hluta leiðarinnar. Mikill snjór var á leiðinni við Hrafntinnusker. Fyrst kvenna var Gina Lucrezi  á 5:28:05 og Elísabet Margeirs var í öðru sæti á 5:47:33. Fyrsti karl í mark var Örvar Steingrímsson á 4:48:08 og félagi hans Guðni Páll Pálsson var annar á 4:25:25.

 

 

 

 

Sex Frískir Flóamenn þreyttu hlaupið og stóðu sig aldeilis vel. Hér eru tímar þeirra: 

6:28:12 Stefán Reyr Ólafsson

6:52:30 Helgi Kristinn Marvinsson

6:56:58 Sarah Seeliger

6:57:19 Björk Steindórsdóttir

7:08:59 Bárður Árnason

7:25:24 María Maronsdóttir

Vaskur flokkur Frískra var við gæslu og aðstoðaði hlaupara á leiðinni eins og undanfarin ár. Allt gekk vel og fengu Fískir mikið hrós frá þakklátum hlaupurum.

Úrslitin eru á http://marathon.is/results/laugavegur2013/LAUGAV13AHe.txt. 

Frískir Flóamenn kepptu í brautarhlaupum og sundi á landsmóti

Fjórir Frískir Flóamenn sprettu úr spori í 5000 m karla, 3000 m kvenna og 1500 m kvenna á hlaupabrautinni á landsmóti UMFÍ. Ingvar Garðarsson fór 5000 m og var þetta í 12. sinn sem hann keppir á landsmóti ávallt á hlaupabrautinni. Sigrún, Sarah og María voru hins vegar að taka sín fyrstu hlaupaskref á landsmóti og runnu 3000 m og 1500 m. Fískir stóðu sig vel og höluðu inn fjölda stiga fyrir HSK. Hér  má sjá úrslitin http://mot.fri.is

Sigmundur, Stefán of Ægir kepptu í sundi og fengu fullt af stigum og verðlaunum. Sigmundur gerði sér lítið fyrir og setti íslandsmet í 400 m skriði í flokki 60 ára.