Friskir Flóamenn fjölmenntu í Hamarshlaup

Annað hlaup í hlaupaseríu Hamars var haldið laugardaginn 16. maí. 59 luku hlaupinu sem er 20 km utanvegahlaup. Þrettán Frískir mættun til leiks. Fyrstur þeirra var Auðunn Jóhannsson á 1.43.35. og var hann jafnframt þriðji í sínum aldursflokki. Sarah Seeliger var fyrst Frískra kvenna á 1.50.06 og var þriðja í sínum aldursflokki. Úrslitin má sjá á hlaup.is.

Ingileif og Börk með HSK-met

Ingileif Auðunsdóttir og Björk Steindórsdóttir settu báðar HSK-met í sínum aldursflokkum í 10 km götuhlaupi í Intersporthlaupinu eins og vindurinn 1. maí sl. Ingileif hljóp á tímanum 57:49 og Björk á tímanum 49:09. Glæsilegt hjá þeim og til hamingju.
 

Intersporthlaupið eins og vindurinn

Hlaupið okkar, sem er 10 km, fór fram í dag í blíðskaparveðri, sól og hægum norlægum andvara. Hlaupið var frá Intersport og niður Gaulverjabæjarveg að Timburhól. Mjög góðir tímar náðust í hlaupinu og margir að bæta sína bestu tíma.  Ívar Trausti Jósafatsson var fyrstur karla á nýju brautarmeti, 35:51. Þessi tími er aðeins 5 sek frá eigin íslandsmeti í aldursflokki 50-55 ára sem hann setti í Brúarhlaupinu á sl. ári. Fyrst kvenna var hún Anne okkar á 44:20. Hér eru tímar Frískra: Anne Cattenoz - 44:20, Sarah Seeliger - 45:40, Daníel - 45:42, Sigurður Frímann - 47:49, Vigfús - 48:14, Björk Steindórsdóttir - 49:07, Hildur Grímsdóttir - 51:36 og Ingileif - 57:49. Fjórir af átta á palli og allt konur. Flottur árangur. Úrslitin verða birt á hlaup.is. Nokkrar myndir frá hlaupinu eru í myndasafni.