Nýr þjálfari og nýr hlaupatími

Frískir Flóamenn hafa ráðið nýjan þjálfara, Salóme Rut Harðardóttir.  Salóme er 2. árs nemi við HÍ að Laugarvatni. Hún ætlar að koma til okkar á æfingu nú á fimmtudaginn 30. sept. og mun síðan mæta á þriðjudags- og fimmtudagsæfingar.  Samhliða hefur hlaupatíma verið breytt þannig að farið verður frá sundlauginni á þriðjudögum og fimmtudögum kl. 18:00.  Aðrir tímar eru óbreyttir.  Minni á að þeir sem ætla að koma í hlaupaferðina að Sólheimum á sunnudaginn láti Önnu Maríu (861 3413) eða Magnús (840 6320) vita í síðasta lagi miðvikud. 29.

Hlaupaferð að Sólheimum 3. október

Þann 3. október nk. (ekki 2. eins og til stóð) ætla Frískir Flóamenn að gera sér dagamun og fara í hlaupaferð að Sólheimum í Grímsnesi.  Við söfnumst í bíla við sundlaugina og förum þaðan kl. 9:30.  Förum að Borg í Grímsnesi og hlaupum þaðan að Sólheimum, sem eru um 9 km.  Íbúar á Sólheimum ætla að slást í för með okkur síðasta spölinn.  Eftir hlaup verður farið í laugina á Sólheimum og síðan í léttan málsverð hjá Sölva Hilmars á Grænu Könnunni (um þúsund á mann).  Þá stendur til að færa Sólheimum framfarabikar, sem er ætlaður sem farandbikar til einstaklings á Sólheimum.  Að lokum munum við skoða Sesseljuhús undir leiðsögn.  Heimferð er áætluð um kl. 15.  Fjölmennum og gerum þetta að skemmtilegum degi.  Vinsamlegast tilkynnið þáttöku til Önnu Maríu (s:8613413) eða Magnúsar (s: 840 6320) eða á netfengið [e-mail] í síðasta lagi 29. sept.

Brúarhlaupið 2010

Búarhlaupið fór fram í dag í ágætis veðri, veður var hlýtt og þurrt en nokkur gustur. Fjölmargir hlupu og hjóluðu sumir 2,5 km aðrir 5 km eða 10 km en þeir sem hlupu lengst fóru hálft maraþon (21,1 m). Hlaupið var janframt íslandsmót í hálfu maraþoni. Íslandsmeistari í kvennaflokki varð Helena ólafsdóttir á 1:27:13 og í karlaflokki var Björn Margeirsson íslandsmeistari en hann hljóp á tímanum 1:14:31. Frískir Flóamenn mættu til hlaups eftir góðan morgunmat í Guðnabakaríi og stóðu sig með príði og sumir voru að bæta sig þrátt fyrir vinginn. Skeiðamennirnir Ingileif og Ingvar voru á palli í sínum flokki í 10 km. Myndir frá hlaupinu eru í albúmi.

Minni á Sólheimaferð 2. október þar sem fyrirhugað er að heimsækja Sólheima í Grímsnesi og hlaupa Sólheimahringin (24 km), eða styttra. Nánar síðar.