Sigmundur þriðji í járnkarli í Kalmar

Sigmundur var þriðji í flokki 60-64 ára karla í járnkarli sem fram fór í Kalmar í Svíþjóð í dag á tímanum 11:43:18. Sigmundur synti 3,96 km á 1:07:05, hjólaði 180,2 km á 6:31:56 og hljóp maraþon (42,2 km) á 3:52:28. Daninn Ole Hansen  var fremstur í hans flokki á 11:10:32 og Finninn Erkki Anunti annar á 11:33:12. Sigmundur leiddi flokkinn eftir sundið en var í 7. sæti eftir hjólið, renndi sér síðan fram úr keppinautum sínum í hlaupinu og vann sig upp í þriðja sæti. Frábær árangur hjá Sigmundi.