Frískir Flóamenn í Brúarhlaupinu

Brúarhlaup Selfoss fór fram í dag. Veður var heldur óhagstætt til hlaupa sv-kaldi og skúrir en hlýtt. Keppt var í 2,5 km 5 km 10 km og 21 km hlaupum og 5 km hjólaðir. Frískir Flóamenn tóku daginn snemma og skunduðu í morgunmat í Guðnabakarí, ræddu um markmið og spáðu í veðrið. Fjölmenntu svo í hlaupið og stóðu sig vel. Ingileif, Ingvar og Sævar komust á pall í 10 km. Hálfmaraþonið (21 km) var jafnframt íslandsmeistaramót og þar stakk Kári Steinn alla af eins og vænta mátti og Valgerður D. Heimisdóttir varð íslandsmeistari kvenna. Framkvæmd hlaupsins var til fyrirmyndar. Myndir eru í albúmi og úrslitin á hlaup.is.