Fjöruhlaup í fínu færi

Sameiginlegt fjöruhlaup Frískra Flóamanna og Skokkhóps Hamars í Hveragerði var í dag 18. febrúar. 23 hlauparar hlupu fjöruna, flestir frá Hafinu bláa að sundlauginni í Þorlákshöfn, rúma 10 km. Vigfús lét það ekki nægja heldur hljóp frá Selfossi og í Þorlákshöfn, um 27 km. Veður var bjart, en norðan garri og um 5 °C frost. Fjaran var fín til hlaupa, sandurinn þéttur og á köflum eins og fínasta tartanbraut. Vindurinn kom ekki að sök þar sem skjól var af fjörukambinum. Myndir í myndasafni.