Stúdíó Sport hlaupið 1. maí

Stúdíó Sport hlaupið er hlaup sem hlaupahópurinn Frískir Flóamenn halda í samstarfi við verslunina Stúdíó Sport á Selfossi þann 1. maí. Frískir Flóamenn hafa áður haldið Jötunnhlaupið (2017-2019) og þar áður Hlaupið eins og vindurinn/Intersport/Byko hlaupið.

Hlaup fyrir alla, unga sem aldna, byrjendur sem lengra komna!

Vegalengdir:
Keppt er í tveimur vegalengdum, 5 km og 10 km. Brautin er flöt og því vænleg til góðra afreka og hafa margir hlauparar náð sínum bestu tímum í hlaupum á Selfossi.

Mæting og endamark er við verslunina Stúdíó Sport, Austurvegi 11 en fyrir ræsingu verður gengið saman að rásmarki sem er í Sigtúnsgarði/nýjum miðbæ Selfoss. Hlaupið er til suðurs, út á Suðurhóla þar sem leiðir skiljast á 5 og 10 km leiðum. 5 km beygja til hægri og hlaupa um undirgöng inn í Hagaland og meðfram Ölfusá, undir Ölfusárbrú og að endamarki við versluninni Stúdíó Sport. 10 km beygja aftur á móti til vinstri á Suðurhólum og hlaupa til austurs í áleiðis að Austurhólum og til baka og síðan sömu leið og 5 km leiðin í mark.

Tímasetningar:
Nánar síðar.

Skráning:
Skráning í hlaupið fer fram á hlaup.is. Opið er fyrir skráningu til kl. 21:00 föstudagskvöldið 29. apríl 2022. Einnig verður hægt að skrá sig í versluninni Stúdíó Sport að morgni keppnisdags en þá hækka öll verð.

Afhending skráningargagna fer fram í Versluninni Stúdíó Sport.

Verðlaun:
Veitt eru verðlaun fyrir fyrstu þrjú sætin í báðum vegalengdum. Auk þess verður fjöldi útdráttarverðlauna frá ýmsum fyrirtækjum á svæðinu.

Tímataka og úrslit:
Rafræn tímataka verður í hlaupinu. Keppendur fá afhenta flögu sem þeir hlaupa með. Engin flaga - enginn tími!

Úrslit verða birt strax að loknu hlaupi og síðar á hlaup.is og í afrekaskrá FRÍ.

 

Nýr hlaupatími

Hlaupatími Frískra Flóamanna er núna

kl. 17:30 á þriðjudögum og fimmtudögum og kl. 10 á laugardögum.
Hlaupið er frá Sundhöll Selfoss.
Allir velkomnir bæði byrjendur og vanir hlauparar.
Ókeypis.
Góð hreyfing í góðum félagsskap.

Af aðalfundi Frískra Flóamanna

Aðalfundur Frískra Flóamanna var haldinn í Selinu 13. mars sl.  Magnús fór yfir skýrslu stjórnar og fór yfir það helsta í starfi hópsins milli aðalfunda. Jötunnhlaupið, sem haldið var 1. maí í samstarfi við Jötunn Vélar, er arftaki Intersportshlaupsins. Hlaupnir voru 5 og 10 km innanbæjar á Selfossi. Frískir aðstoðuðu að venju við Laugavegshlaupið í samstarfi við Björgunarfélag Áborgar. Í smíðum er endurnýjun á samningi við ÍBR um aðstoð við hlaupið og er Björgunarfélag Árborgar nú aðili að samningnum. Samningurinn er til 3ja ára og samkvæmt honum verður 45% hækkun á greiðslum til félagsins á samningstímanum. Uppskeruhátíð var í október og þar voru veittar viðurkenningar fyrir árangur í hlaupum á árinu. Strandfáni með merki FF er í pöntun og styttist í að nýjir hlaupagallar verði afhentir. Abba fór yfir reikninga, þar kom fram að helstu tekjurnar voru af Laugavegshlaupinu en einnig varð nokkur afgangur af Jötunnhlaupinu. Helstu útgjöld eru laun til þjálfara. Nokkur afgangur var af rekstrinum á sl. ári. Þá var gengið til kosninga. Anna Björg og Magnús gáfu ekki kost á sér til endurkjörs. Í þeirra stað komu inn í stjórnina Eydís Katla og Bárður og var Eydís kjörin formaður. Í stjórn eru núna auk þeirra, Aðalbjörg sem er gjaldkeri, Sigurður sem er ritari og Svanlaug. Rædd var hlaupaferð til Tallin í haust og stefnt að annari ferð á árinu 2019. Fundurinn var vel sóttur en 20 Frískir mættu á fundinn.

 

Aðalfundur 13. mars í Selinu

Aðalfundur Frískra Flóamanna verður haldinn í Selinu 13. mars nk. og hefst hann kl. 20:00. Förum yfir það markverðasta í starfsemi félagsins á sl. ári, greinum frá stöðu fjármála, ræðum hvað er framundan og önnur mál, og svo eru kosningar til stjórnar. Vonumst til að sjá sem flesta.

Fh. stjórnar Magnús.

Jötunnhlaupið 1. maí.

01.05.2018 

Hlaupahópurinn Frískir Flóamenn, í samstarfi við Jötunn Vélar,

stendur fyrir Jötunnhlaupinu á Selfossi þann

1. maí nk. og hefst það kl. 13:00.

Vegalengdir

Vegalengdir 10 km og 5 km 

Hlaupaleiðir Lengd beggja hlaupa er löglega mæld samkvæmt reglum FRÍ.

Hlaupin hefjast og enda við húsakynni Jötunn Véla á Selfossi.

Brautirnar eru marflatar og hlaupið er á bökkum

Ölfusár.

Tímataka

Tímataka verður með flögum.

Skráning  Forskráning er á hlaup.is og lýkur 30. apríl kl. 21:00.

Einnig verður hægt að skrá sig í Jötunn Vélum frá kl. 11 á hlaupadegi,

þá verða keppnisnúmer jafnframt afhent. Skráningu lýkur kl. 12:20.

 

Þátttökugjald  Þátttökugjald er kr. 2.500 fyrir 16 ára og eldri en kr. 1.500 fyrir

15 ára og yngri. Við skráningu á staðnum er einungis tekið við seðlum,

enginn posi á staðnum. Keppendur fá frían aðgang í Sundhöll Selfoss eftir hlaup.

 

Flokkaskipting Aldursskipting hjá konum og körlum. 

   5 km

•   15 ára og yngri

•   16 og eldri ára

  10 km

•   39 ára og yngri

•   40-49

•   50-59

•   60 ára og eldri

 

Verðlaun  Verðlaun verða fyrir fyrsta keppenda í hverjum flokki. Vegleg sérverðlaun frá

Jötunn Vélum verða fyrir fyrsta karl og fyrstu konu í hvorri vegalengd um sig.

Jafnframt verða útdráttarverðlaun.

 

Nánari upplýsingar Nánari upplýsingar veita Aðalbjörg s:820 6882 og Magnús s:840 6320

 

Hér er tengill á kort af hlaupaleiðinni: https://www.google.com/maps/d/edit?mid=1ihcNTOIhRJLnfqWly0mX2fwR0cw&ll=63.93325663777965%2C-21.007999700000028&z=14

Þorrablót

Þorrablót Frískra Flóamanna var haldið í Selinu 6. febrúar sl.  Bornar fram pizzur og þorramatur með.  Blótið var vel sótt og tókst vel. Skemmtilegur siður sem við þurfum að viðhalda.

Uppskeruhátíð

Uppskeruhátíð Frískra Flóamanna var haldin í Tryggvaskála 20. október sl. Eftir gómsætan málsverð happdrætti og Fríska hlaupabúningasýningu voru að venju veittar viðurkenningar til  hlaupara. Kvenhlaupari ársins er Arna Ír. Hún hefur verið mjög ötul við æfingar á árinu og náði feikna góðum árangri í keppnishlaupum bæði í götuhlaupum og utanvega. Fór 21 km í Miðnæturhlaupinu og náði þar sínum besta tíma. Fór Laugaveginn og varð 3. í sínum aldurflokki og bætti tíma sinn þrátt fyrir erfiðar aðstæður. Hún setti tvö HSK og Selfossmet í sínum aldursflokki á árinu, í hálfmaraþoni í Reykjavík og í Laugavegshlaupinu. Vigfús var valinn karlhlaupari ársins. Hann byrjaði að stunda hlaup árið 2009 og fór þá fljótlega að hlaupa með Frískum Flóamönnum. Hefur verið mög duglegur að taka þátt í hlaupum, lætur sig yfirleitt aldrei vanta.  Tók í ár nokkur Poweradehlaup, fór í Flóahlaupið, Jötunnhlaupið, Kambahlaupið, Esjuhlaupið, Icelandairhlaupið, Ölkelduhlaupið, Bláskógaskokkið, Snæfellsjökulshlaupið, Laugaveginn, 21 km í Reykjavíkurmaraþoni, 24 km í Hengil Ultra og hálft maraþon í haust í Reykjavík, svo eitthvað sé nefnt. Vigfús stóð sig vel í þessum hlaupum og á Laugaveginum bætti hann tíma sinn um meira en 20 mín þrátt fyrir mótvind og erfiðar aðstæður.  Óskar fékk viðurkenningu fyrir mestu framfarir karla. Óskar er búinn að hlaupa með Frískum í mörg ár mætt vel á æfingar og sýnt miklar framfarir. Hét því fyrir nokkrum árum að fara Laugaveginn 2017. Lagði þess vegan áhersku á utanvegahlaup í ár fór m.a. í Esjuhlaupið og stóð sig vel. Fór á Laugarveginn en varð því miður að hætta var óheppinn með erfiðar aðstæður.  Auður fékk viðurkenningu fyrir mestu framfarir kvenna. Auður hefur verið mjög dugleg við æfingar á árinu og mætt vel í hópinn.  Lagði sérstaka áherslu á utanvegahlaup og fór vítt og breitt um landið til að taka þátt í utanvegahlaupum.  Fór m.a. í Icelandairhlaupið, Gullsprettinn, Esjuhlaupið, Snæfellsjökulshlaupið, Jökulsárhlaupið og 10 km í Reykjavíkurmaraþoni og náði þar sínum besta tíma. Í skenmmtinefnd voru Dýrfinna, Eydís Katla og Össur og gaf hún kost á sér áfram nema að í stað Össurar kemur Abba. Þakkir skemmtinefnd og til hamingju hlauparar. Myndir í albúmi.

Uppskeruhátíð 20. október

Skemmtinefndin boðar uppskeruhátíðin í Tryggvaskála föstudaginn 20. okt. kl. 20:00. Upphitun hefst hins vegar kl.18:00 í Álftarima 30(Dýrfinna) og allir vita að upphitun er nauðsynleg 😜 Vinsamlegast skráið ykkur hér fyrir neðan. Verð kr. 6.800,- á mann(greiðist í Tryggvaskála) Skráningu lýkur kl. 21 miðvikudagskvöldið 18. okt.

Matseðill:
Lambahryggvöðvi og lambarillette m/gulrótamauki, hægelduðu rótargrænmeti, spínat parmesan kartöflupressu og blóðbergsgljáa
&
súkkulaðimús
pistasíuís, ristaðar kókosflögur og jarðarber

Fríska Sólheimahlaupið og framfarabikar FF

Fríska Sólheimahlaupið fór fram laugardaginn 7. október í fínu veðri. Hlaupið og hjólað var frá Borg í Grímsnesi og að Sólheimum sem er um 9 km, engin tímataka. Að því loknu afhentu Frískir Flóamenn bikar til þess íbúa á Sólheimum sem sínt hefur mestar framfarir í hreifingu á árinu. Að þessu sinni var það Ólafur Hauksson sem hlaut bikarinn en hann er mjög duglegur að hreifa sig og þarf litla hvatningu, en er hvatning fyrir aðra. Hægt er að fullyrða að hann hreifi sig manna mest, í vinnu og utan. Hann er alinn upp á göngu og útivist, þar sem faðir hans er mikill útivistarmaður og hlaupari. Ólafur er góður sundmaður, göngumaður og hjólagarpur. Hann er einstaklega duglegur í umhverfismálum og er með hugan við endurvinnslu alla daga. 

Frískir á Laugaveginum og Vesturgötunni

Laugavegshlaupið fór fram við frekar erfiðar aðstæður í gær, laugardaginn 15. júlí sl. Fremur svalt var og vindur í fangið stóran hluta leiðarinnar. 486 hlauparar lögðu af stað úr Landmannalaugum en 430 komu í mark í Þórsmörk, hafa þeir aldrei verið fleiri (408 luku í fyrra). Sigurvegarinn í kvennaflokki var Arden Young frá Kanada á 5:12:01. Sigurvegari í karlaflokki var Þorbergur Ingi Jónsson á 4:13:25 sem er nokkuð frá hans besta. Sjö Frískir garpar tóku þátt og stóðu sig vel. Arna Ír var þriðja í sínum aldursflokki á 6:34:06 og var að bæta tíma mettíma sinn frá í fyrra þrátt fyrir erfiðar aðstæður.  41 Frískir Flóamenn og þeirra félagar og 10 úr Björgunarfélagi Árborgar stóðu vaktina, þjónustuðu hlauparana og hvöttu þá til dáða. Allt gekk vel. Þetta er mikil og fórnfús vinna en þegar allir leggjast á eitt að skila sínu sem best verður árangurinn eftir því. 

Frískir voru ekki bara á Laugaveginum þessa helgi.  Sigrún fór í Vesturgötuna og var fyrst kvenna í 45 km á nýju brautarmeti, glæsilegt það. Björk og Hildur hlupu líka, þrír af sjö kvenhlaupurum voru Frískir.