Fríska Sólheimahlaupið og framfarabikar FF

Fríska Sólheimahlaupið fór fram laugardaginn 7. október í fínu veðri. Hlaupið og hjólað var frá Borg í Grímsnesi og að Sólheimum sem er um 9 km, engin tímataka. Að því loknu afhentu Frískir Flóamenn bikar til þess íbúa á Sólheimum sem sínt hefur mestar framfarir í hreifingu á árinu. Að þessu sinni var það Ólafur Hauksson sem hlaut bikarinn en hann er mjög duglegur að hreifa sig og þarf litla hvatningu, en er hvatning fyrir aðra. Hægt er að fullyrða að hann hreifi sig manna mest, í vinnu og utan. Hann er alinn upp á göngu og útivist, þar sem faðir hans er mikill útivistarmaður og hlaupari. Ólafur er góður sundmaður, göngumaður og hjólagarpur. Hann er einstaklega duglegur í umhverfismálum og er með hugan við endurvinnslu alla daga.